Vlerësimi i gjëndjes dhe prodhimtarisë së kullotave në Zonën e Mbrojtur të Korabit
- 26-Nov-2025
- ALCDF TIRANA
Description
Masivi Sharr-Korab përfaqëson një peizazh unik ku natyra, njerëzit dhe traditat bashkëjetojnë prej brezash, ndërsa livadhet e Korabit mbeten thelbësore për jetesën lokale dhe ekuilibrin ekologjik. Me këtë vizion u krijua projekti “Mbrojtja dhe përdorimi i qëndrueshëm i Zonave të Mbrojtura në Malet e Sharrit, Mavrovës dhe Korab-Koritnik”, që synon forcimin e bashkëpunimit ndërkufitar për ruajtjen e burimeve natyrore.
Projekti, i financuar nga PONT dhe zbatuar nga ALCDF me partnerë në Shqipëri dhe Maqedoninë e Veriut, mbulon mbi 180,000 hektarë zona të mbrojtura. Ai ka krijuar platforma ndërkufitare, struktura bashkë-menaxhimi dhe rrjete monitorimi që lidhin administratat e parqeve, komunitetet dhe ekspertët.
Një komponent kyç është studimi mbi vlerësimin e gjendjes dhe produktivitetit të livadheve në Parkun Natyror Korab–Koritnik, i cili analizon presionet, potencialin e restaurimit dhe menaxhimin e qëndrueshëm së kësaj zonë.
Studimi është realizuar nga Prof. Dr. Elvin Toromani dhe ekipi i tij, në bashkëpunim me ekspertë të vegjetacionit dhe GIS, duke ndërthurur punën shkencore me përfshirjen e komunitetit. Ky proces pasqyron rolin e barinjve, përvojën lokale dhe nevojën për mbrojtjen e resurseve natyrore.
Raporti final shërben si bazë shkencore dhe si thirrje për të vijuar investimet që garantojnë ruajtjen e peizazheve dhe mirëqenien e komuniteteve.
Më shumë informacion rreth sdudimit gjeni në linkun mëposhtë:
https://drive.google.com/file/d/1a8xrunVQz4MtOFqNt0CeJ_eObHW-T4jT/view?usp=sharing
-
Region:
